I almost got arrested today

I almost got arrested today 🙄😒😤 ♦ " ማንም ማንንም ለማንገላታት መብት የለውም... ውይ ለካ ኢትዮጵያ ውስጥ ነን ያለነው " Bezawit Bezic Asefa እኔ የምለው በውል ከተከለከሉ አካባቢና ቦታዎች ውጪ ፎቶ ማንሳት ከመቼ ወዲህ ነው ወንጀል የሆነው?! ነገሩ እንዲህ ነው... ዛሬ ከሰአት ላይ ለአንድ ጉዳይ ከታላቅየው ጋር ተቀጣጥረን ከአንዱ የሸገር ጫፍ ሰፈሮች ተከሰትን። በመንገዳችን ላይ ብዙ ህዝብ የተሰለፈባቸው የንግድ ባንክ ቅርንጫፎችን እያየን እየተገረምን ነበር። እናም አንድ ሁለት ቦታዎች ላይ እያለፍኩ ፎቶ አንስቻለሁ። በዚህኛው (ከስር ከተለጠፈው) ቅርንጫፍ ስንደርስ ግን ከሌሎቹ በተለየ ሰልፉ ብዙ ስለነበረ ቆም ብዬ ፎቶ ማንሳት.... አንድ የባንኩ ሰራተኛ መሆኑን የሚያመላክት መታወቂያ አንገቱ ላይ ያንጠለጠለ ሰውዬ ደሞ "ማነሽ እናቱ!" ብሎ መጣራት... መቼም ጨዋ ጨዋ ያሳደገኝ ነኝና አጠራሩ ቢያናድደኝም ቆሜ ጠበኩት። "ነይ እስኪ! ነይ!" እያለ ወደ እኔ ተጠጋ አነጋገሩ አናዶኝም ገርሞኝም ከቆምኩበት ሳልንቀሳቀስ ጠበኩት። "ለምንድነው ፎቶ ያነሳሽው?!" ብሎ በሀይለ ቃል ጠየቀኝ እኔም "ምን ችግር አለው?" አልኩት... "አይቻልም! ደልችው" አለኝ። "አልደልትም! ለምንድነው የምደልተው?" ብዬው ሳላበቃ "እዚሁ ጠብቂኝ!" ብሎኝ ከኪሱ ስልኩን እያወጣ የጥበቃ ሰራተኛዋን ሊጠራ ሄደ ። "ምን ተፈጥሮ ነው?" አለችን አጠገባችን እንደደረሰች። "ፎቶ ለማንሳት ምንም የሚከለክል ነገር የለም ስለዚህ ማንም ሊጠይቀኝ አይችልም። ምንም አላጠፋሁም" አልኳት። የሚገርመው የጥበቃ ሰራተኛዋ በጣም የተረጋጋች እና ከስራ አስኪያጅ ተብየው የተሻለ ብስለት ነበራት። በመሃል ሰውየው መጣ በስልክ እየተነጋገረ ነው "ሳጅን የሰው ሃይል እፈልጋለሁ" ሲል ይሰማኛል... ይታያችሁ ወንጀል አልሰራሁም በህግ ሊያስጠይቀኝ የሚችል ምንም አይነት ነገር ስላላደረኩ ይሄንን ሁሉ ሰአት በትእግስት ቆሜ እየጠበኩት ነው። ወዲያው አንድ የፖሊስ መለዮ የለበሰች ሴት "የትኛዋ ናት?!" እያለች መጣች። "አቤት እኔ ነኝ" አልኳት። " ለምን አነሳሽ?" አለችኝ "ምንም የሚከለክል ነገር የለም ስለዚህ ማንሳቴ ወንጀል አይደለም!" ብዬ መለስኩላት። ወዲያው "የታል ካቴናዬ?" ብላ "ኑ ተከተይኝ" አለች ወደ ባንኩ እያመራች። ይሄኔ ወንድሜ ደነገጠ "ይኸውልሽ ምንም እልህ እንዳትጋቢ እሺ በቃ ምንም አትበይ ተረጋጊ" አለኝ። ከጥበቃው ቤት ካቴናዋን ስትቀበል የጥበቃ ሰራተኛዋ "ለምን ውስጥ ገብታችሁ አትነጋገሩም" ብላ ነገሮችን ለማብረድ ሞከሰች። ይሄ ሁሉ ሲሆን ሰው ግራ በመጋባት ይከታተላል። ወደ ስራ አስኪያጁ ቢሮ ስንደርስ ወደ ሳጅኑ ደውሎ "በቃ አግኝቻለሁ በጣም አመሰግናለሁ ስለፈጣን ምላሻችሁ" ብሎ ዘጋው። ውስጥ ከገባን በኋላ ሰውየው አሁንም እልህ እና ንዴት በተሞላበት ሀይለ ቃል ይናገረኝ ጀመር። "ምንድነው ችግሩ? የተከለከለ ነገር የለ ስለዚህ ፎቶ ማንሳቴ ምኑ ጋር ነው ጥፋቱ?!" አልኩት። ወንድሜም ቀጠል አድርጎ "ይሄ እኮ የህዝብ መገልገያ የሁላችን ባንክ ነው ምንድነው ችግሩ የኢትዮጵያ ንግድ ባንክ እንጂ እኮ የግልህ አይደለም!" አለው ይሄኔ ሰውየው "አንተን አላናገርኩህም ጉዳዮ ከእሷ ጋር ነው" ብሎ ወደኔ ዞረ። ፖሊሷም ይሄ የመንግስት ተቋም እንደሆነ ፎቶ ማንሳትም እንደማልችል ልታስረዳኝ ሞከረች። "ለምን?" ነበር የኔ ጥያቄ። የሰውየው ምላሽ ግን 🙄 "የድርጅቱን ስም ለማጥፋት ነው ህዝብ እያጉላላችሁ ብለሽ" ብሎኝ እርፍ 😂😂😂😂 የአቦን መገበሪያ የበላ... አሉ Yoakin ለምን ትዝ አልከኝ 🙄። ብቻ ከብዙ ጭቅጭቅ በኋላ ምን ቢለኝ ጥሩ ነው?... "ሌላ ነገር ውስጥ ከመግባታችን በፊት ፎቶውን አጥፊ!" I said what😳 እግዚአብሔርን የሆነ ነገር ነው ብልጭ ያለብኝ የህግ ተማሪነቴ ራሱ አንድም ክላስ ሳትቀር ትዝ አለኛ እኔ የሰውየው ልጅ!😤 "ይኸውልህ በህግ በግልፅ ከተከለከለ እና ከተፃፈ ነገር ውጪ ፎቶ ለማንሳት የሚከለክለኝ ህግም አካልም የለም! መብትና ግዴታዬን የማውቅ ግብር ከፍዬ የምኖር ሰው ነኝ! እኔም እንዳንተው ዜጋ ነኝ ሀገሬ ላይ ነው ያለሁት እንደዚህ ብለህ ልታሸማቅቀኝ እንዳትሞክር!" ብዬ ይሄንን እልሄንና ብሶቴን ዘረገፍኩታ 😤 ሆ! በዚህ መሀል ፖሊሷ በመሀል ገብታ አይደለም እኮ በዚህ ወቶ በዚህ ገብቶ ብላ ልታረጋጋኝ ሞከረች። እኔ እስከማውቀው ድረስ ህግ የሚጠይቀው ወንጀል ከተሰራ በኋላ ወይም ድርጊቱ ከተፈፀመ በኋላ እንጂ ያለ ምንም በቂ ማስረጃ ልትፈፅመው ነበር ብሎ ክስም ሆነ ውንጀላ የለም። "ሌሎች መንግስት ብራችሁን ሊወርስ ነውና ገንዘባችሁን አውጡ ብለው ሲለጥፉ ውለዋል እናም ቀኑን ሙሉ ሰው ብሩን ሲያወጣ ውሏል። ስለዚህ አንቺም ለዚህ ቢሆንስ? ስለዚህ ፍርድ ቤት ስትቀርቢ የምትይውን እናያለን!" ብሎኝ እርፍ! ኧሯ በሚኒሊክ! "እኔ የማወራውም ሆነ የምመልሰው ራሴን ወክዬ እንጂ ስለሌላው አይደለም! ገና ለገና ላላደረኩት ነገር ልትጠይቀኝ አይገባም! ስለጥፈው እና መጥፎ ነገር ስፅፍ ያኔ ትጠይቀኛለህ" ስለው "የት አግኝቼሽ ያኔማ እንደውም መታወቂያሽን ኮፒ ላርገው አምጪ" ብሎ አረፈው። እመቤቴን እንደዛሬው ተናድጄም አላውቅ። "እሱን የመጠየቅ መብትም ስልጣንም የለህም!" ብዬ አምባረኩበት ሳይታወቀኝ ይሄኔ እቺማ ያለነገር እንዲህ አልሆነችም የተማመነችውን ተማምና ነው እንጂ ብሎ ነው መሰለኝ ረገብ አለ። ብቻ ከተወሰኑ ሰአታት ንትርክና ጭቅጭቅ በኋላ "ላንተ ብዬ ሳይሆን እሷን አክብሬ ፎቶውን አጠፋለሁ። ቢገባህ ግን ከመጀመሪያው ጀምሮ ቁሚ ስትለኝ ጠብቂ ብለህ ስትሄድ ሌላ አላማ ቢኖረኝ ቆሜም አልጠብቅህ እንደዚህ ፊትለፊትም አላነሳም ነበር!" ብዬ ፎቶዎቹን አጥፍቼ ተለያየን.... ለካ ለካ recycle bin የሚባል ነገር አለ 🙄 Moral of the story... ህግ አክብሩ፣ መብታችሁን አስጠብቁ! ለማንም አሳልፋችሁ አትስጡ! በተረፈ ማንም ማንንም ለማንገላታት መብት የለውም... ውይ ለካ ኢትዮጵያ ውስጥ ነን ያለነው 😒